काठमाडौं : मञ्जुश्री फाइनाइन्सले स्मार्ट डिपोजिट सेवा सुरु गरेको छ । भुक्तानी सेवा प्रदायक खल्तीसँगको फाइनान्सले सहकार्यमा डिजिटल वालेटमार्फत् बचत गर्न सकिने स्मार्ट डिपोजिट सेवा सुरु गरेको हो ।
फाइनाइन्स र खल्तीको सहकार्यमा सुरु गरिएको स्मार्ट डिपोजिटजस्तो नवीनतम प्रविधिले वित्तीय कारोबारमा प्रविधि प्रयोगलाई थप व्यापक बनाउने बताइएको छ । ‘खल्तीमार्फत् कारोबार गरिरहेका ग्राहक सदस्यले अब सजिलै मञ्जुश्रीमा खाता खोल्न र आफ्नो कारोबार गर्न सक्नेछन्, यसले वित्तीय संस्थामा गएर खाता खोल्ने झन्झट नहुने र यसले समय पनि बचत हुनेछ’, फाइनान्सका सिइओ तेजराज तिमिल्सिनाले बताए ।
यस सेवामार्फत् खल्ती प्रयोगकर्ताले आफ्नो वालेटबाटै दैनिक, साप्ताहिक वा मासिक रूपमा निश्चित रकम बचत गर्न सक्नेछन् । बचत अवधि ६ महिनादेखि ६० महिनासम्म चयन गर्न मिल्नेछ भने न्यूनतम एक सय रुपैयाँबाट सुरुवात गर्न सकिने सुविधा रहेको छ ।
स्मार्ट डिपोजिट फिचरले नेपाल राष्ट्र बैंकको वित्तीय पहुँच विस्तारको लक्ष्यलाई सार्थक बनाउन थप सहयोग पुर्याउने विश्वास गरिएको छ । हाललाई यो सुविधाअन्तर्गत मञ्जुश्री खल्ती बचत खातामा वार्षिक पाँच प्रतिशत साथै स्मार्ट रिकरिङ खातामा वार्षिक ७ प्रतिशत ब्याज प्राप्त गर्न सकिने जनाइएको छ ।
