काठमाडौं : विश्वकै नम्बर १ विद्युतीय दुईपांग्रे सवारी साधन ब्रान्ड याडियाका लागि नेपालको आधिकारिक वितरक कुजु नेपाल प्रा.लि.ले नयाँ विद्युतीय स्कुटर सिरिज सार्वजनिक गर्ने घोषणा गरेको छ । कम्पनीले नेपाली बजारमा जिएस७०, जिटी७० र जिटी८० मोडलका नयाँ स्कुटरहरू ल्याउन लागेको हो ।

यी नयाँ सिरिजको आगमनले नेपालमा स्मार्ट, दिगो तथा भरपर्दो विद्युतीय यातायातलाई प्रवर्धन गर्ने विश्वास कम्पनीले लिएको छ । आधुनिक प्रयोगकर्ताको आवश्यकता अनुरूप डिजाइन गरिएका यी मोडलहरूमा अत्याधुनिक प्रविधि, उन्नत सुरक्षा प्रणाली, स्मार्ट कनेक्टिभिटी र प्रभावशाली यात्रा दूरी (रेन्ज) समावेश गरिएको छ, जसले चालकलाई उत्कृष्ट र सहज राइडिङ अनुभव प्रदान गर्ने कम्पनीको दाबी छ ।

दैनिक शहरी आवतजावत, लामो दूरीको यात्रा तथा उच्च प्रदर्शन खोज्ने ग्राहकहरूलाई लक्षित गर्दै विकास गरिएका जिएस७०, जिटी७० र जिटी८० ले व्यवहारिक, किफायती तथा वातावरणमैत्री विद्युतीय यातायात समाधान प्रदान गर्नेछन् ।

कम्पनीका अनुसार, यी नयाँ मोडलहरूले उत्कृष्ट प्रदर्शन, सुरक्षा, आराम र स्मार्ट प्रविधिलाई एउटै प्लेटफर्ममा प्रस्तुत गर्दै नेपाली उपभोक्ताको बदलिँदो आवश्यकतालाई पूरा गर्नेछन् । यी आकर्षक नयाँ स्कुटरहरूले नेपाललाई दिगो विद्युतीय यातायाततर्फ अघि बढाउन योगदान पुर्‍याउने विश्वास लिइएको छ ।

यी तीनै मोडलका विस्तृत प्राविधिक विशेषता, मूल्य, उपलब्धता तथा विशेष लन्च अफरहरू आगामी ६ अगस्ट २०२६ मा आयोजना हुने औपचारिक लन्च कार्यक्रममार्फत सार्वजनिक गरिने कुजु नेपालले जनाएको छ ।