काठमाडौँ : म्याग्दीको मालिका गाउँपालिका–७ बिममा नौमती बाजा घर निर्माण भएको छ । मालिका गाउँपालिकाको सहयोगमा दलित पञ्चैबाजा समूहले दुईकोठे बाजा घर निर्माण गरेको हो ।
समूहका अध्यक्ष रामबहादुर दर्जीले भवनमा लोकबाजा संग्रहालय स्थापनाका साथै तालिम सञ्चालन गरिने जानकारी दिएका छन् ।
मालिका गाउँपालिकाले सात लाख ७६ हजार रुपैयाँ अनुदान सहयोग गरेको भवन निर्माणका लागि समूहले देउसीभैलो र चन्दा संकलन गरेर जुटाएको थप रु दुई लाख २३ हजार खर्च भएको उनले बताए ।
बिम–मालिका संघको सहयोगमा २०७७ सालका पहिरोपीडितको लागि एकीकृत बस्ती स्थापनाका लागि खरिद भएको जग्गामा भवन निर्माण भएको हो । भवनको गण्डकी प्रदेश सांसद रेशमबहादुर जुग्जालीले बुधवार उद्घाटन गरेका थिए ।
.jpg)
