– गणेश लोहनी
१.
कस्को कुरा पत्याउनु सबै मिलि घे–यो भन्छन्
मुलुकको वास्ता छैन उत्तर दक्षिण हे–यो भन्छन्
कहिले गोरे कहिले काले पालैपालो छ राईंदाईं
मेरो देशका भण्डारेले अर्को कोल्टे फे–यो भन्छन् ।।
२.
आँखाबाट आगो ओकल्दै हुँडार कराइरहेको छ
असत्यकै कोलाहलमा सत्य स्वयम् हराइरहेको छ
सत्यमेव जयते उद्घोषका साथ अगाडी बढिरहौं
कागजी बाघसँग सत्याग्रही व्यर्थै डराइरहेको छ ।।
३.
स्वसिद्ध छ वर्षाको भेल दुवै किनारा माडी आउँछ
अवलोकनका बहानामा चमचमाउँदा गाडी आउँछ
बाढी पीडितहरूका तस्विर लिनका लागि सायद
हेलिकोप्टर चढ्दै सरकार विवेक उतै छाडी आउँछ ।।
.jpg)
