काठमाडौं : नेपाली सेनाले गैंडाको खाग तस्करलाई नियन्त्रणमा लिनका लागि मकवानपुरको हेटौंडा उपमहानगरपालिका–८ मा गोली चलाएको छ ।
बिहीबार हेटौंडा उपमहानगरपालिका वडा नम्बर ८ को गर्दौईमा चितवन राष्ट्रिय निकुञ्ज र नेपाली सेनाको टोलीले पाँच राउण्ड हवाई फायर गरेर खाग तस्करलाई नियन्त्रणमा लिएको छ ।
खाग नियन्त्रण गर्ने क्रममा तस्कर भाग्न खोजेपछि हवाइ फायर गरिएको प्रहरीले जनाएको छ ।
सेनाले नियन्त्रणमा लिएका व्यक्तिको परिचय खुलाइएको छैन ।
