काठमाडौँ : काठमाडौँको बागमती नदी किनारमा आफ्नै शरीरमा पेट्रोल छर्केर आगो लगाउने महिलाको मृत्यु भएको छ ।
चितवनको रत्ननगर नगरपालिका–१२ घर भएर नारायणटार बस्ने कमला आचार्यको उपचारको क्रममा मृत्यु भएको हो ।
३८ वर्षीय आचार्यको साँखु स्थित सुष्मा कोइराला मेमोरियल अस्पतालमा मृत्यु भएको हो । कागेश्वरी मनोहरा नगरपालिका–८ बागमती नदी किनारमा उनले आफ्नै शरीरमा आगो लगाएर आत्महत्याको प्रयास गरेकी थिइन् ।
शनिवार बा.३५ प ५८१८ नम्बरको स्कुटर चढेर कागेश्वरी मनोहरा नगरपालिका–८ किराँतचोक स्थित बागमती नदी किनारमा गएर उनले आफैँलाई आगो लगाएकी हुन् ।
शरीरका विभिन्न भाग जलेको अवस्थामा उनलाई तत्कालै उपचारका लागि शंखरापुरस्थित सुष्मा कोइराला मेमोरियल अस्पताल लगिएको थियो ।
उनी परिवारसँग बौद्ध स्थित नारायणटारमा बस्ने गरेकी थिइन् । यसबारे थप अनुसन्धान भइरहेको प्रहरीले बताएको छ ।
