काठमाडौंः नयाँ नेतृत्व चयनका लागि नेपाल पत्रकार महासङ्घको २७औँ महाधिवेशन सुरु भएको छ । महाधिवेशन आज बिहान १० बजेदेखि सुरु भएको हो । केन्द्रीय समिति, १० प्रदेश समिति र ७७ जिल्ला शाखा र ४१ प्रतिष्ठान शाखामा नयाँ नेतृत्व चयनका लागि महासङ्घको चुनाव चलिरहेकाे छ ।
महासङ्घको आगामी अध्यक्षका लागि देवीप्रसाद सापकोटा, निर्मला शर्मा, रमेश विष्ट र लालसिंह लामाले उम्मेदवारी दिएका छन् भने वरिष्ठ उपाध्यक्ष पदका लागि गोविन्दप्रसाद चौलागाईं, दीपक आचार्य र रोशन पुरीले उम्मेदवारी दिएका छन्। महिलाबाट उपाध्यक्षमा नितु पण्डित र गंगा पौडेलले उम्मेदवारी दिएका छन् ।
समावेशी उपाध्यक्षका उम्मेदवारमा उमिदप्रसाद बागचन्द, मोहनकुमार सिंह र सुभाषप्रसाद साह रहेका छन् । साथै महासचिवमा जन्मदेव जैशी, प्रकाश थापा, रामप्रसाद दाहाल र लेखनाथ न्यौपानेले उम्मेदवारी दिएका छन्।
प्रज्ञा-प्रतिष्ठानमा भइरहेको मतदानका तस्बिरहरू:
