गोरखा : फेसबुकमा भरुवा बन्दुक बोकेको फोटो पोस्ट गर्ने एक जना र लाइसेन्स नभएको भरुवा बन्दुक राख्ने अर्का एक जनालाई प्रहरीले पक्राउ गरेको छ ।
भीमसेन थापा गाउँपालिका-२ सुनार गाउँ घर भई हाल पालुङटार नगरपालिका-१ खोप्लाङमा ज्यामी काम गर्दै आएका ४३ वर्षीय प्रेम सुनारले आफ्नो ‘प्रेम सुनार’ नामक फेसबुक आईडीबाट भरुवा बन्दुक बोकेको फोटो पोस्ट गरेका थिए ।
उक्त फोटोका आधारमा अनुसन्धान अघि बढाएको प्रहरीले सुनारलाई अनुमतिपत्र नभएको एक थान भरुवा बन्दुकसहित नियन्त्रणमा लिएको हो ।
अनुसन्धानका क्रममा उक्त बन्दुक पालुङटार नगरपालिका–१ खोप्लाङका ३३ वर्षीय विष्णु सुनारको भएको खुलेपछि प्रहरीले उनलाई पनि पक्राउ गरेको छ। घटनाबारे थप अनुसन्धान भइरहेको प्रहरीले जनाएको छ ।
.jpg)
