.jpg)
रुकुम पश्चिम : भारततर्फ नाबालिका बेचबिखन गर्न लैलाँदै गरेको आशंकामा प्रहरीले कपिलवस्तुको कृष्णनगर सीमा नाकाबाट एक युवकलाई पक्राउ गरेको छ ।
पक्राउ पर्नेमा रुकुम पश्चिम, मुसिकोट नगरपालिका–१३ का २३ वर्षीय अर्जुन रोका रहेका छन् । प्रहरीले दिएको जानकारीअनुसार उनले नेपालमै रोजगारको प्रलोभन देखाउँदै एक नाबालिकालाई झुक्याएर भारत लैजाँदै गरेको अवस्थामा पक्राउ गरिएको हो ।
प्रहरी नायब उपरीक्षक रिपेन्द्रकुमार सिंहका अनुसार रोकाले नाबालिकालाई बेचबिखन गरी आर्थिक लाभ लिने उद्देश्यले सीमा नाका कटाउने प्रयास गरेका थिए । उनलाई पक्राउ गरी आवश्यक अनुसन्धान अघि बढाइएको सिंहले बताए ।
जिल्ला अदालतबाट पाँच दिनको म्याद थप गराइएपछि प्रहरीले घटनाबारे थप अनुसन्धान सुरु गरेको जनाएको छ ।
.jpg)
