काठमाडौँ : बंगुरको मासु खादा एउटै गाउँका १६ जना बिरामी परेका छन् ।
नवलपरासी (पूर्व) को कावासोती नगरपालिका–१४, हेगौलीमा बंगुरको मासु खाएपछि एउटै गाउँका १६ जना बिरामी परेको प्रहरीले जनाएको छ ।
प्रहरीका अनुसार १०५ घरधुरीका स्थानीयवासीले जेठ २३ गते बंगुर काटेर सामूहिक भोज गरेका थिए । भोजमा सहभागीमध्ये ४४ वर्षीया रामकुमारी महतोसहित १६ जनामा ज्वरो आउने, बान्ता हुने तथा पखाला लाग्ने जस्ता स्वास्थ्य समस्या देखिएको हो ।
बिरामी परेकाहरूलाई स्थानीय प्रहरीको सहयोगमा मध्यविन्दु प्रादेशिक अस्पताल, डण्डामा पुर्याई उपचार भइरहेको जनाइएको छ। घटनाबारे सम्बन्धित निकायले थप जानकारी संकलन गरिरहेको छ ।
.jpg)
