काठमाडौं : उच्च अदालत पाटनले नेपाल वैदेशिक राेजगार व्यवसायी संघको प्रबन्ध समितिले प्रारम्भ गरेको निर्वाचन प्रक्रिया विधानसम्मत रहेको आदेश दिएको छ ।
नेपाल वैदेशिक रोजगार व्यवसायी संघको प्रबन्ध समिति गठन गर्ने सल्लाहकारहरूको निर्णय र नयाँ कार्यसमितिको निर्वाचन गराउने जिल्ला प्रशासन कार्यालय काठमाडौंको निर्देशनविरुद्ध उच्च अदालत पाटनमा बुधबार रिट दायर भएको थियो ।
सो रिटमा बिहीबार शिबबहादुर रानाभाटकाे इजलासमा सुनुवाइ भएको थियो । उच्च अदालत पाटनमा उत्प्रेषण (०८२-wo-२०६२)मा नेपाल वैदेशिक रोजगार व्यवसायी संघ निवेदक तथा जिल्ला प्रशासन कार्यालय बवरमहल, काठमाडौं र नेपाल वैदेशिक रोजगार व्यवसायी संघ प्रबन्ध समितिलाई विपक्ष बनाइएको थियो । रिटमा अन्तरिम आदेश जारी नभएपछि निर्वाचनको प्रक्रिया नरोकिने भएको छ ।
.jpg)
