काठमाडौँ : कतार सरकारले रमजान पर्वको अवसर पारेर तीन जना नेपाली नागरिकलाई आममाफी प्रदान गरेको छ ।
परराष्ट्र मन्त्रालयका प्रवक्ता लोक बहादुर पौडेल क्षेत्रीका अनुसार कतारका अमिरले उक्त निर्णय गर्दै ती नेपालीलाई माफी दिने व्यवस्था गरेका हुन् ।
धार्मिक तथा सांस्कृतिक महत्त्व बोकेको रमजानका अवसरमा कतारले विभिन्न देशका कैदीबन्दीलाई यस प्रकारको आममाफी दिने परम्परा रहँदै आएको छ ।
आममाफीको निर्णयपछि नेपाल सरकारले कतारप्रति आभार व्यक्त गरेको छ । दुई देशबीच लामो समयदेखि स्थापित कूटनीतिक सम्बन्ध यस घटनाले अझ सुदृढ हुने विश्वास नेपाल पक्षले व्यक्त गरेको छ ।
.jpg)
