काठमाडौँ नेपाली कांग्रेसकी केन्द्रीय सदस्य कुसुमदेवी थापाले नेता दीपक खड्कालाई अदालतको निर्णय आफ्नो पक्षमा पार्न ‘सेटिङ’ मिलाएको जस्तो देखिने अभिव्यक्ति नदिन चेतावनी दिएकी छन् ।
खड्काले केही न्यायाधीश तथा अदालतसँग सम्बन्धित व्यक्तिसँग सम्पर्क भएको र आफ्नो पक्षमा अन्तरिम आदेश तथा पार्टीको आधिकारिकता आउने दाबी गरेको आफूले सुनेको थापाले बताएकी छन् ।
थापाले आर्थिक हैसियतका आधारमा अदालतका कर्मचारीदेखि न्यायाधीशसम्मलाई प्रभावमा पार्न सकिने सन्देश दिनु न्यायालयको गरिमामाथि प्रश्न उठाउने काम भएको बताइन् ।
उनले राजनीतिक विवादलाई राजनीतिक माध्यमबाट र न्यायिक विषयलाई कानुनी प्रक्रियाबाट समाधान गर्नुपर्ने भन्दै अदालतमा विचाराधीन विषयमा अनुमान, दाबी वा प्रभावको भाषा प्रयोग नगर्न आग्रह गरेकी छन् ।
.jpg)
.jpg)
.jpg)
