रबात : फ्रान्सेली प्रहरी नियन्त्रक लुकास फिलिप बिहीबार इन्टरपोलको प्रमुख चुनिनुभएको छ । मोरक्कोमा सम्पन्न ९३ औँ सम्मेलनमा उनले इमिराती अहमद नासिर अल–राइसीको स्थान लिएका हुन् । अल–राइसीले यातनालाई प्रश्रय दिएको भन्दै यूरोपबाट धेरै न्यायिक उजुरी परेका थिए । 

इन्टरपोलको अध्यक्षको भूमिका प्रत्येक चार वर्षमा आलोपालो हुन्छ तर शीर्षक धेरै हदसम्म प्रतीकात्मक छ । फ्रान्सेली प्रहरी निर्देशकका लागि युरोपेली र अन्तर्राष्ट्रिय मामिलाका सल्लाहकारका रूपमा पनि काम गर्दै आएका ५३ वर्षीय फिलिपले ८४ मत प्राप्त गरेका छन् । 

उपविजेता टर्किस मुस्तफा सेर्कान साबान्काले ६० मत प्राप्त गरेका मोरक्कोको सरकारी समाचार संस्था (एमएपी)का अनुसार उनले ८४ मत प्राप्त गरेका छन् भने उपविजेता टर्किका मुस्तफा सेर्कान साबान्काले ६० मत प्राप्त गरेका छन् ।

फिलिपले भने, ‘मेरो स्पष्ट उद्देश्य विश्वव्यापी सन्दर्भको रूपमा सङ्गठनको भूमिकालाई सामूहिक सुरक्षाका लागि सुदृढ पार्नु रहनेछ ।’ प्रतिस्पर्धामा नामिबियाकी एनी मेरी नैन्डा र इथियोपियाकी डेमेलास गेब्रेमिचेल वेल्डेस क्रमशः १२ र ८ मत प्राप्त गरेका थिए । 

सन् १९८९ देखि सञ्चालनमा रहेको इन्टरपोलको मुख्यालय फ्रान्सको लियोनमा रहेको छ भने यसको दैनिक कामकाज गर्ने जिम्मा इन्टरपोलका महासचिवलाई नै दिइन्छ । हाल महासचिवको पद सन् २०२४ नोभेम्बरमा पाँच वर्षको कार्यकालका लागि निर्वाचित भएका ब्राजिलियन वाल्डेसी उर्क्विजाले सम्हालेका छन् । 

राइसीबाहेक इन्टरपोलका अन्य अध्यक्षहरू पनि विवादको घेरामा तानिएको इतिहास छ । पूवप्रमुख तथा चिनियाँ राजनीतिज्ञ मेङ होङवेई पनि सन् २०१६ मा अध्यक्ष बन्नुभए पनि विवादरहित हुन सकेका थिएनन् । बेइजिङले भ्रष्टाचारको आरोपमा मेङलाई सन् २०२० मा साढे १३ वर्षको जेल सजाय सुनाएको थियो । –रासस/एएफपी