काठमाडौँ : अर्बपति एलन मस्कले नयाँ राजनीतिक पार्टी स्थापनाको घोषणा गरेका छन् ।
अमेरिकी राष्ट्रपति डोनाल्ड ट्रम्पको प्रमुख सल्लाहकारबाट केही समयअघि मात्रै राजीनामा दिएका मस्कले नयाँ दलको घोषणा गरेका हुन् । मस्कले आफ्नो सामाजिक सञ्जाल एक्समार्फत दलको नाम ‘अमेरिका पार्टी’ रहेकोसमेत घोषणा गरेका छन् ।
यसले अमेरिकाको द्विदलीय राजनीतिक दल रिपब्लिकन र डेमोक्रेटिकलाई चुनौती दिनेछ। यद्यपि,यो पार्टी औपचारिक रूपमा अमेरिकी निर्वाचन प्राधिकरणमा दर्ता भएको छ कि छैन भन्ने कुरा अझै स्पष्ट छैन। मस्कले पार्टीको रूप कस्तो हुनेछ र पार्टीको नेतृत्व कसले गर्नेछ भन्ने बारेमा पनि कुनै जानकारी दिएका छैनन्।
ट्रम्पसँगको सार्वजनिक विवादपछि मस्कले पार्टी खोल्ने मनस्थिति बनाएका थिए। शनिबारसम्म,संघीय निर्वाचन आयोगले कुनै पनि दल औपचारिक रूपमा दर्ता भएको संकेत गर्ने कुनै पनि जानकारी प्रकाशित गरेको छैन ।
ट्रम्प प्रशासन छोडेपछि उनीहरूबीच विवाद सुरु भएको थियो। मस्कले ट्रम्पको कर र खर्च योजनाको सार्वजनिक रूपमा आलोचना गरेका थिए।
.jpg)
