काठमाडौं : मधेश प्रदेशका पूर्वप्रमुख डा. राजेश अहिराजविरुद्ध पक्राउ पुर्जी जारी भएको छ । अहिराजविरुद्ध जबरजस्ती करणी मुद्दामा पक्राउ पुर्जी जारी भएको हो ।
अहिराजविरुद्ध एक महिलालाई शारीरिक तथा मानसिक यातना दिँदै आएको आरोप छ ।
जिल्ला प्रहरी परिसर, काठमाडौंका प्रवक्ता एसपी अपिलराज बोहोराले अहिराजविरुद्ध जाहेरी परेको बताउँदै अनुसन्धान अघि बढिसकेको जानकारी दिए ।
