२०८३ मंसिर ४ गते शुक्रवार / Nov 20 , 2026 , Friday
२०८३ मंसिर ४ गते शुक्रवार

स्थानीय तह निर्वाचन तयारीबारे आयोगमा छलफल, ओली केहीबेरमै बाहिरिए

गगन, रविदेखि प्रचण्डलगायातका नेताहरू सहभागी 

Nada
२०८३ मंसिर ४ गते १३:२८
Shares
स्थानीय तह निर्वाचन तयारीबारे आयोगमा छलफल, ओली केहीबेरमै बाहिरिए

काठमाडौं : स्थानीय तह निर्वाचनको तयारीका विषयमा निर्वाचन आयोगमा राष्ट्रिय मान्यता प्राप्त राजनीतिक दलका शीर्ष नेताहरूबीच छलफल भइरहेको छ ।

छलफलमा रास्वपा सभापति रवि लामिछाने, नेपाली कांग्रेसका सभापति गगन थापा र नेकपा संयोजक पुष्पकमल दाहाल ‘प्रचण्ड’ लगायतका नेताहरू सहभागी छन् ।

बैठकमा एमाले अध्यक्ष केपी शर्मा ओली भने केही समय सहभागी भएर बाहिरिएका छन्। उनको स्थानमा एमालेका नेता देवेन्द्र दाहाल अहिले छलफलमा सहभागी छन् ।

बैठकमा किन नबसेको भन्ने सञ्चारकर्मीको प्रश्नमा ओलीले आफू सहभागी भएर बाहिरिएको बताए । ‘आए पनि आएन भन्ने नपरोस् भनेर आएको हुँ’, उनले भने ।

सबै दलका शीर्ष नेताहरू सहभागी हुँदा आफू किन नबसेको भन्ने अर्को प्रश्नमा ओलीले एमालेबाट पनि सोही तहका नेता सहभागी रहेको जवाफ दिए । ‘हाम्रो पनि त्यही लेभलको नेता हुनुहुन्छ। उहाँ सहभागी हुनुहुन्छ’, उनले भने ।

laxmi recruitement

ताजा खबर

सम्बन्धित खबर