काठमाडौँ : नेपाली कांग्रेसका पूर्वसभापति शेरबहादुर देउवा नेतृत्वको समूहले मंसिर १५ र १६ गते कैलालीको धनगढीमा सुदूरपश्चिम प्रदेश अधिवेशन गर्ने भएको छ ।
काँग्रेसका सुदूरपश्चिम प्रदेश सभापति वीरबहादुर बलायरले शनिबार जारी गरेको विज्ञप्तिअनुसार अधिवेशन धनगढीस्थित सौराइ स्क्वायरमा हुनेछ ।
विज्ञप्तिमा सुदूरपश्चिमका नौवटै जिल्लाका सबै वडा, पालिका, प्रदेशसभा निर्वाचन क्षेत्र र प्रतिनिधिसभा निर्वाचन क्षेत्रका अधिवेशन सम्पन्न भएको उल्लेख छ ।
देउवा समूहले केन्द्रीय महाधिवेशन मंसिर २१ देखि २३ गतेसम्म गर्ने जनाएको छ । समूहले त्यसका लागि पूर्वमहामन्त्री डा. शशांक कोइरालाको संयोजकत्वमा ‘१५औँ नियमित महाधिवेशन तयारी समिति’ गठन गरेको छ ।
.jpg)
.jpg)
