काठमाडौं : सरकारले मलेसियाका लागि राजदूतका रूपमा चूडामणि खरेलको नाम प्रस्ताव गरेको छ ।
शिक्षा, सार्वजनिक प्रशासन, कानुन तथा खेलकुद प्रशासनको क्षेत्रमा अनुभव हासिल गरेका खरेलको नाम राजदूतका लागि प्रस्ताव भएसँगै उनको शैक्षिक योग्यता, संस्थागत अनुभव र सार्वजनिक भूमिकाबारे चासो बढेको छ।
खरेलको प्राज्ञिक पृष्ठभूमि बहुआयामिक छ। उनले त्रिभुवन विश्वविद्यालयबाट अंग्रेजी विषयमा स्नातक तथा स्नातकोत्तर गरेका छन् । त्यसैगरी राजनीतिशास्त्रमा स्नातकोत्तर र कानुनमा स्नातक गरेका छन् ।
अंग्रेजी, राजनीतिशास्त्र र कानूनको अध्ययनले शिक्षा तथा सार्वजनिक प्रशासनसँग सम्बन्धित विभिन्न क्षेत्रमा काम गर्ने आधार तयार गरेको देखिन्छ ।
उनी हाल नेपाल योग खेलकुद संघका महासचिव छन्। यसअघि उनले नेपाल स्केटिङ तथा स्केटबोर्ड संघका महासचिव र राष्ट्रिय खेलकुद परिषद्अन्तर्गत सातौं राष्ट्रिय खेलकुदको उपसमितिका सदस्य–सचिवका रूपमा काम गरेका थिए ।
.jpg)
.jpg)
