काठमाडौँ : धादिङमा गुडिरहेको माइक्रो बसमाथि पहिरोसहित रुख खसेको छ । धादिङबेंसीबाट काठमाडौं आउँदै गरेको बागमती प्रदेश ०१–००६ ख ६५१२ नम्बरको ईभी माइक्रो बस गजुरी–५ जरेखोला नजिक पहिरोमा परेको हो ।
पहिरोसँगै रुख ढलेर माइक्रो बसमाथि बजारिएको थियो । जिल्ला प्रहरी कार्यालय धादिङका अनुसार माइक्रो बसमा सवार ७ जना यात्रुहरू घाइते भएका छन् । घाइतेहरूलाई उपचारका लागि गजुरी अस्पताल लगिएको छ । उनीहरूको परिचय खुलिसकेको छैन ।
माइक्रो बसमाथि रुख बजारिएपछि अवरुद्ध भएको सडक खुलाउने काम भइरहेको छ । घटनाको थप विवरण आउन बाँकी छ ।
.jpg)
