.jpeg)
काठमाडौं : राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले जेनजी आन्दोलनपछि प्रमुख राजनीतिक दलका दुई शीर्ष नेताले आफूलाई फोन गरेर राजसंस्था पुनर्स्थापनको प्रयास गर्न आग्रह गरेको दाबी गरेका छन् ।
बुधबार काठमाडौंमा आयोजित राप्रपा र राप्रपा नेपालबीच एकता घोषणा सभालाई सम्बोधन गर्दै उनले यस्तो दाबी गरेका हुन् ।
उनले देश संकटमा परेको भन्दै राजसंस्था पुनर्स्थापना गर्न प्रयास गर्न आग्रह गर्दै ती शीर्ष नेताहरूले त्यसका लागि राजनीतिक वातावरण बनाइदिने बताएको उल्लेख गरे ।
उनले तत्कालीन समयमा आफूसँग प्रयास गर्ने हैसियत र सम्भावना पनि नभएका कारण केही गर्न नसकेको जिकिर गरे । उनले राजनीतिक दलका शीर्ष नेताहरूको नाम भने खुलाएनन् ।
उनले जेनजी आन्दोलन राष्ट्रवादी शक्तिहरूबीचको एकताको उत्प्रेरक रहेको समेत बताए ।
.jpg)
.gif)
