काठमाडौं : प्रधानमन्त्री सुशीला कार्की आज मन्त्रिपरिषद् विस्तार गर्ने तयारीमा छिन् । प्रधानमन्त्री कार्कीले चौथोपटक मन्त्रिपरिषद् विस्तार गर्न लागेकी हुन् ।
आज ४ मन्त्री थप्ने तयारी रहेको छ । कुमार इङनाम, माधव चौलागाईं, राजेनद्रसिंह भण्डारी र श्रद्धा श्रेष्ठलाई मन्त्री नियुक्त गर्ने तयारी रहेको बताइएको छ । नवनियुक्त मन्त्रीहरूको शपथ आजै गराउने तयारी छ ।
श्रद्धालाई महिला तथा बालबालिका, चौलागाईंलाई वन तथा वातावरण, भण्डारीलाई श्रम, रोजगार तथा सामाजिक सुरक्षा र इङ्नामलाई भूमि व्यवस्था, सहकारी तथा गरिबी निवारण मन्त्रालयको जिम्मेवारी दिने तयारी छ ।
मन्त्रिपरिषद् बैठक विस्तारका लागि बिहीबार प्रधानमन्त्री कार्कीले शीतल निवास पुगेर राष्ट्रपति रामचन्द्र पौडेललाई भेटेकी थिइन् ।
.jpg)
.gif)
