काठमाडौँ : राष्ट्रिय सभा गृह डुबानमा परेको छ । गएरातिको वर्षाले प्रदर्शनी मार्गस्थित सभागृह डुबानमा परेको हो । पानी जाने ठाउँ नहुँदा ठुलो पानी पर्नासाथ राष्ट्रिय सभा गृह डुबानमा पर्ने गरेको छ ।
राष्ट्रिय सभागृह काठमाडौं महानगर मातहत छ । यहाँ महानगर प्रमुख बालेन शाह र उपप्रमुख सुनिता डंगोलका कार्यकक्ष तथा महानगरपालिकाका केही शाखाहरु छन् ।
अहिले २ मोटर लगाएर पानी फाल्ने काम भइरहेको छ । काठमाडौंमा मध्यम खालको वर्षा हुँदा पनि सभागृह जलमग्न हुने गरेको छ ।
