काठमाडौं : नाडेप लघुवित्त वित्तीय संस्थाले १०औं वार्षिक साधारणसभा सम्पन्न गरेको छ । संस्थाका अध्यक्ष पिताम्वरप्रसाद आचार्यको अध्यक्षतामा साधारण सभा सम्पन्न भएको हो ।
संस्थाको वैशाख मसान्तसम्म ६ अर्ब ३७ करोड लगानीमा बाँकी सावाँ रहेको र सदस्यको बचत एक अर्ब ८२ करोड, बैंक तथा वित्तीय क्षेत्रको कर्जा ३ अर्ब २२ करोड परिचालन भएको साधारण सभामा जानकारी गराइएको थियो ।
अध्यक्ष आचार्यले लघुवित्त क्षेत्रलाई व्यवस्थित गर्नका लागि नेपाल राष्ट्र बैंकबाट मौद्रिक नीति तथा लघुवित्त वित्तीय संस्थालाई जारी निर्देशन २०८१ को अधिनमा कार्यक्रम सञ्चालन गर्न व्यवस्थापन पक्षलाई निर्देशन दिएका थिए ।
आइतबार भएको साधारण सभाले संस्थाको कार्य प्रगति र भावी कार्यक्रमबारे सहभागीलाई जानकारी दिएको छ । यस संस्थाले ग्रामीण तथा पिछडीएका महिलालाई वित्तीय सेवा दिँदै आइरहेको छ ।
