काठमाडौं : हिमालयन बैंक लिमिटेडले आफ्नो न्यूरोड शाखा – २ लाई स्थानान्तरण गरी अबदेखि ‘ठमेल शाखा’को रूपमा सेवा प्रदान गर्न थालेको छ । काठमाडौं महानगरपालिका–२७, ठमेलस्थित संचय कोष भवनबाट नयाँ शाखाले आइतबारदेखि सम्पूर्ण बैंकिङ सेवा सुरु गरेको हो ।
शाखाको औपचारिक उद्घाटन बैंकका प्रमुख कार्यकारी अधिकृत (सीईओ) अशोक शमशेर राणाले अन्य उच्चपदस्थ अधिकारीहरू तथा अतिथिहरूको उपस्थितिमा गरेका थिए ।
हिमालयन बैंकले नयाँ स्थानबाट सेवा विस्तार गरी ग्राहकलाई अझ सहज, सुलभ र प्रभावकारी सेवा प्रदान गर्ने लक्ष्य राखेको जनाएको छ ।
