बझाङ : एमाले निकट राष्ट्रिय युवासंघ नेपाल जिल्ला कमिटी बझाङको १०औँ जिल्ला अधिवेशन सम्पन्न भएको छ । अधिवेशनले युवासंघको नयाँ नेतृत्व चयन गरेको छ । अध्यक्षमा धिरेन्द्र बहादुर सिंह, उपाध्यक्षमा सपना बोहरा चयन भएका छन् ।
सचिवको जिम्मेवारी उमेश रावलले लिएका छन् भने सह–सचिवमा कृष्ण बहादुर विष्ट र पवन बोहरा चयन भएका हुन् । यस्तै कोषाध्यक्षमा बिष्णु बोहरा चयन भएका छन् ।
अधिवेशनले ३१ सदस्यीय जिल्ला कमिटी गठन गरेको हो । अधिवेशनको शुक्रबार युवासंघका प्रदेश सह–इन्चार्ज गणेश थापाले उद्घाटन गरेका थिए ।
