काठमाडौं : विगत दुई दशकदेखि नेपाली गीतसंगीतमा निरन्तर सक्रिय रहँदै आएका चर्चित गायक नारायण थापाको स्वरमा एकपछि अर्को गीत सार्वजनिक हुँदै आएको छ । यसैक्रममा गायक थापाको स्वर रहेको ‘कुनै दिन त’ बोलको म्युजिक भिडियो आभूषण इन्टरटेन्मेन्ट च्यानलबाट सार्वजनिक भएको छ ।
वरिष्ठ गीतकार डा. कृष्णहरी बरालको शब्द, गैरे सुरेशको संगीत, माहाराज थापाको एरेन्ज, किशोर थापाको मिक्सिङ माष्टरिङ रहेको म्युजिक भिडियोमा कमल सिंह, सुष्मिता, जिवन आचार्यलगायतको अभिनय छ । बुद्ध थापाको छायाँकन, विकास दाहालको सम्पादन रहेको गीतको भिडियोका निर्देशक प्रकाश धिताल हुन् ।
