काठमाडौं : वैदेशिक राेजगार व्यवसायीहरूले भोटेकोशीमा आएको बाढीबाट पीडित भएकाहरूका लागि आपतकालीन सामग्रीका लागि सहायता दिइरहेका छन् ।
यसैक्रममा नेपाल वैदेशिक रोजगार व्यवसायी संघका प्रथम उपाध्यक्ष महेश बस्नेतले पनि बाढीपीडितका लागि आर्थिक सहयोग गरेका छन् ।
प्रथम उपाध्यक्ष बस्नेतले रसुवाका बाढीपीडितका लागि १ लाख ११ हजार १ सय ११ रुपैयाँ आर्थिक सहयोग गरेका हुन् ।
यसअघि संघका द्वितीय उपाध्यक्ष अनिल बोगेटीले ५० हजार, महासचिव डाँगीले ५० हजार र पूर्व प्रथम उपाध्यक्ष सुजित कुमार श्रेष्ठले १ लाख रुपैयाँ आर्थिक सहयोग गरिसकेका छन् । संघकी सदस्य भावना गजुरेलले पनि १ लाख ११ हजार १ सय ११ रुपैयाँ सहयोग गरिसकेकी छन् ।
यसैगरी बाढीपीडितका लागि प्याराडाइज इन्टरनेसनल प्रा.लि.ले ४ लाख रुपैयाँ सहयोग गरिसकेको छ ।
.jpg)
