काठमाडौं : नेकपा माओवादी केन्द्रका नेता राम कार्कीले आफूहरूले नालायक नेतृत्वलाई प्रतिस्थापन गर्ने नसकेको बताएका छन् ।
मंगलबार ललितपुरमा आयोजित पत्रकार सम्मेलनमा उनले खास गरेर आफूहरूको पिँढीले नालायक नेतृत्वलाई प्रतिस्थापन गर्ने ल्याकत राख्न नसकेको स्वीकार गरे । हाल नेपालको कम्युनिष्ट आन्दोलन विघटन हुन पुगेको उनको भनाइ छ ।
केही नेताहरूका लागि पार्टीहरू भएपनि जनता र जेनजीको नजरबाट हेर्दा पार्टीहरू विघटित भइसकेको उनले बताए । उनले जेनजी युवाहरूको भावना विपरित भ्रष्टाचारका मुद्दा लागेका नेताहरू टाउकोमा कल्की झुन्डाएर ठुलो पदमा पुगेको बताउँदै एकताको स्वाङ गरिरहेको आरोप लगाए ।
नेता कार्कीले आफूहरूले राजनितिक दलका लागि मात्रै दल निर्माण गर्न नलागिएको पनि दाबी गरे । उनले मजदुर, किसान, गरिब सबैको सहअस्तित्व रहने समाजवादी संगठन निर्माण गर्ने बताए ।
.jpeg)
.jpeg)
.jpeg)
.jpg)
