काठमाडौं : नेकपा एमाले संखुवासभा–काठमाडौं सम्पर्क मञ्चले एसईई पास भएका ५० जना विद्यार्थीलाई सम्मान गरेको छ ।
काठमाडौंमा आयोजित कार्यक्रममा कक्षा १२ को परीक्षा दिएर बसेका ७ जना र संखुवासभाका १५ जना हिमाल आरोहीहरुलाई पनि सम्मान गरिएको मञ्चका अध्यक्ष वासु पाण्डेले जानकारी दिए ।
उनीहरुलाई एमाले सचिव योगेश भट्टराई, प्रचार तथा प्रकाशन विभाग प्रमुख राजेन्द्रप्रसाद गौतम, केन्द्रीय समिति सदस्य तुलसी न्यौपानेलगायत नेताहरुले सम्मान गरेका थिए ।
कार्यक्रममा एसईई दिएका विद्यार्थीलाई काठमाडौंस्थित स्वप्न बाटिका स्कुल तथा कलेजले १० जना विद्यार्थीका लागि सम्पूर्ण छात्रवृत्ति दिने घोषणा समेत गरेको छ ।
