बझाङ : बझाङ जिल्ला अदालतबाट गत आर्थिक वर्ष २०८१/८२ मा ८१ प्रतिशत मुद्दा फर्छ्यौट भएको छ । जिल्ला अदालत बझाङले बिहीबार वार्षिक समीक्षा सार्वजनिक गर्दै कुल २१० मुद्दामध्ये १७१ मुद्दा फर्छ्यौट गरेको बताएको छ । यो ८१.४२ प्रतिशत हो ।
जिल्ला न्यायाधीश सुदर्शन लामिछानेका अनुसार अदालतको लक्ष्य अनुसार वार्षिक रुपमा फैसला गर्नुपर्ने मुद्दाको संख्या १५५ हो । कुल मुद्दामा अघिल्लो आर्थिक वर्ष २०८०/८१ का ५८ मुद्दा बाँकी थिए ।
