सर्खेत : सर्खेत लेकबेशी नगरपालिका–९ चौरासेबाट सालको काठ बरामद गरिएको छ ।
लु २ च २२३ नम्बरको गाडीमा सालको काठ सुर्खेततर्फ ल्याउँदै गरेको भन्ने सूचनाका आधारमा प्रहरी सहायक निरीक्षक रमेश छहारी मगरको कमाण्डमा खटिएको प्रहरी टोलीले उक्त सालको काठ बरामद गरेको हो ।
सुर्खेत वीरेन्द्रनगर–११ धुलियाबिटबाट उक्त गाडी र सालको काठ गोलिया ९ थान र कर्णाली प्रदेश ०२ ००१ प ७६६७ नम्बरको मोटरसाइकल चालक सुर्खेत वीरेन्द्रनगर–२ बस्ने वर्ष ४१ का धनिराम चौधरीलाई नियन्त्रणमा लिइएको प्रहरीले बताएको छ ।
गाडी चालक भने फरार रहेका छन् । उनको खोजतलास जारी रहेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए ।
