रौतहट : नेपाल पत्रकार महासंघ मधेश प्रदेशका अध्यक्ष श्याम बन्जारा सवार कार दुर्घटनामा परेको छ । बाराको सिमराबाट वीरगञ्ज जाँदै गरेको प्र.३-०१-०२४ छ १८६५ नम्बरको कारलाई त्यही दिशाबाट वीरगञ्ज जाँदै गरेको मालबाहक ट्रकले ठक्कर दिँदा कारमा सवार बन्जारासहित दुई जना घाइते भएका छन् ।
टायर पड्किएर अनियन्त्रित हुँदा ट्रकले कारलाई ठक्कर दिएको हो । ट्रक चालकसहित ट्रक प्रहरीको नियन्त्रणमा रहेको र दुर्घटनाबारे थप अनुसन्धान भइरहेको प्रहरीले जानकारी दिएको छ ।
