काठमाडौं : राष्ट्रिय स्वतन्त्र पार्टी (रास्वपा)का केन्द्रीय सदस्य अनिरको पाँडेलाई प्रहरीले नियन्त्रणमा लिएको छ । एक जना महिलालाई सामाजिक सञ्जालमार्फत गालीगलौज गरेको आरोपमा उनलाई प्रहरीले नियन्त्रणमा लिएको हो ।
पक्राउ पुर्जी जारी भएपछि पाँडे बुधबार साँझ साइबर ब्युरोमा उपस्थित भएका थिए । उनलाई बिहीबार म्याद थपका लागि अदालतमा लैजाने तयारी प्रहरीको छ ।
पाँडेविरुद्ध गालीगलौज तथा अपशब्द प्रयोग गरेको आरोपमा एक महिलाले उजुरी दिएकी थिइन् । पाँडे राष्ट्रिय योजना आयोगका पूर्वसदस्य समेत हुन् ।
