सिरहा : सिरहाको कल्याणपुर नगरपालिका–६ भोक्रहास्थित कमला नदीमा फसेका चार जनाको मंगलबार सकुशल उद्धार गरिएको छ । दाउरा लिन गएका बेला एक्कासी पानीको बहाव बढेपछि उनीहरु सो नदीको बीच भागमा फसेका थिए ।
घटनाबारे जानकारी पाउनासाथ सुरक्षा बेस कल्याणपुरबाट खटिएको सुरक्षा टोलीले उनीहरुलाई ट्युब बोटको सहायताले सकुशल उद्धार गरेको हो ।
त्यसैगरी सो टोलीले कल्याणपुर नगरपालिका–२ स्थित कमला नदीको बीच भागमा फसेका दुई जनाको पनि सकुशल उद्धार गरेको छ । जेसीबीसहित नदीको बीच भागमा फसेका उनीहरुलाई रबर बोटको सहयोगमा सकुशल उद्धार गरिएको हो ।
