काठमाडौं : एनआईसी एशिया लघुवित्तले विभिन्न प्रदेशहरूमा वित्तीय साक्षरता कार्यक्रमहरू सम्पन्न गरेको छ । लघुवित्तले गण्डकी, कर्णाली र सुदूरपश्चिम प्रदेशमा वित्तीय साक्षरता कार्यक्रम सम्पन्न गरेको हो ।
गण्डकी प्रदेशअन्तर्गत लघुवित्तको मगरकोट शाखाले वैशाख २९ गते आयोजना गरेको वित्तीय साक्षरता कार्यक्रम सम्पन्न थियो । जसमा स्थानीय जनप्रतिनिधि टेक नारायण महतो, मगरकोट उप प्रदेश कार्यालयका अनुगमन अधिकृत भुवन राज भट्ट तथा शाखा प्रमुख गोपाल सुनारसहित कर्मचारीहरू र करिब ४० जना महिला सदस्यहरूको सहभागिता रहेको थियो ।
त्यसैगरी, कर्णाली प्रदेशको बांगेसिमल शाखाले पनि वित्तीय साक्षरता तथा पुनर्ताजगी कार्यक्रम सञ्चालन गरेको थियो । कार्यक्रममा प्रदेश प्रमुख नवराज सिंह, अनुगमन अधिकृत गणेश पुन मगर, शाखा कर्मचारीहरू तथा ५५ जना सदस्यहरूको उपस्थिति रहेको थियो ।
त्यस्तै, सुदूरपश्चिम प्रदेशअन्तर्गत दैलेखको बेस्तडा शाखाले वैशाख २७ देखि २९ सम्म ३ दिने आधारभूत बाख्रापालन तालिम कार्यक्रम सम्पन्न गरेको छ । कार्यक्रममा भगवतीमाई गाउँपालिकाका अध्यक्ष गणेशबहादुर थापा, उपाध्यक्ष मिनाकुमारी खड्का, पशु प्राविधिक प्रशिक्षक गणेशराज जोशी, बिनेश परियारलगायतको उपस्थिति थियो ।
