.png)
काठमाडौं : मधेस प्रदेशमा मुख्यमन्त्री कार्यालय तोडफोड प्रकरणमा मंगलबार पक्राउ परेका पूर्वसांसद परमेश्वर साह र लोसपाका नेता जिबेन्द्र झा धरौटीमा रिहा भएका छन् । अभद्र व्यवहारको अभियोगमा पक्राउ परेका उनीहरूलाई जिल्ला सरकारी वकिलमार्फत सिडियो प्रेमप्रसाद लुईंटेलसमक्ष पेश गरिएको थियो ।
सिडियोले धरौटीमा छोड्ने निर्णय गरेपछि उनीहरू रिहा भएका हुन् । नयाँ मुख्यमन्त्री नियुक्तिसम्बन्धी विवादका क्रममा कार्यालय तोडफोड, कर्मचारी कुटपिट र राष्ट्रिय झण्डा फाल्ने गतिविधिमा उनीहरू सक्रिय रहेको आरोप लगाइएको थियो ।
कुटपिट भएको भनिएका कर्मचारीहरूले कारबाहीको माग गर्दै कात्तिक २४ गते जिल्ला प्रशासनमा ज्ञापन बुझाएका थिए । त्यसपछि अदालतबाट पक्राउ पुर्जी लिएर प्रहरीले आज बिहान १० बजे उनीहरूलाई नियन्त्रणमा लिएको थियो ।
दुवै जना पक्राउ परेको बाह्र घण्टा नबित्दै रिहा भएका छन् ।
.jpg)
.png)
.jpeg)
.png)
.jpeg)
