काठमाडौंः जिल्ला अदालत काठमाडौंले मधेश प्रदेशका पूर्वप्रमुख राजेश अहिराज झालाई थुनामा पठाउने आदेश दिएको छ ।
अदालतका न्यायाधीश पिताम्बर शर्माको इजलासले उनलाई पुर्पक्षका लागि थुनामा पठाउने आदेश जारी गरेको हो ।
एक महिलाले आफूलाई झाले ४ जेठ २०८१ मा काठमाडौंको नयाँ बानेश्वरस्थित आफ्नै डेरामा बलात्कार गरेको आरोप लगाएकी थिइन् । साेही आरोपमा ४ साउनमा पक्राउ परेका झालाई ९ दिनमै प्रहरीको अनुसन्धान प्रतिवेदनको आधारमा सरकारी वकिलकाे कार्यालय काठमाडौंले काठमाडौं जिल्ला अदालतमा मुद्दा दायर भएको थियो ।
