रौतहट : सशस्त्र प्रहरी बलले रौतहटको गौरबाट स्रोत नखुलेको रकमसहित एक भारतीय नागरिकलाई पक्राउ गरेको छ ।
गौर नगरपालिका वडा नं.२ भन्सार क्षेत्रमा चेकजाँच गर्ने क्रममा भारतबाट नेपालतर्फ आउँदै गरेका पैदल यात्रीलाई पक्राउ गरिएको हो । पक्राउ पर्नेमा भारतको सितामढी जिल्लाको भटौलिया बेलगञ्ज टोलका रजक मियाँ रहेका छन् । उनको साथबाट ४ लाख समेत बरामद गरिएको छ ।
मियाँले लुकाइ छिपाइ ल्याएको सो रकमको स्रोत खुलाउन नसकेपछि आवश्यक कारवाहीका लागि गौर भन्सार कार्यालयमा पठाइएको सशस्त्र प्रहरीको नं. ११ गणका उपरीक्षक विक्रम हुमागाईले जानकारी दिए ।
.jpg)
.jpg)
