काठमाडौँ : एसियन गेम्सअन्तर्गत पुरुष क्रिकेटमा नेपालले अफगानिस्तानसामु प्रभावशाली बलिङ प्रदर्शन गर्दै १०२ रनमै सीमित गरेको छ ।
निशिनस्थित कोरोगी स्पोर्ट्स पार्कमा जारी खेलमा टस जितेर पहिले ब्याटिङ गरेको अफगानिस्तानले निर्धारित २० ओभरमा ७ विकेट गुमाउँदै १०२ रन बनाएको हो। अब नेपालले जितका लागि १०३ रन बनाउनुपर्नेछ ।
अफगानिस्तानका लागि फैसल खान अहमदजाइ र नाजिबुल्लाह जाद्रनले समान ३० रन बनाए । नान्गेलिया खान १७ रनमा अविजित रहे। अन्य कुनै पनि ब्याट्सम्यानले दोहोरो अंकको स्कोर बनाउन सकेनन् ।
नेपालका लागि कुशल भुर्तेलले चार विकेट लिए भने ललित राजवंशीले तीन विकेट झारे । नेपाली बलरको प्रभावकारी प्रदर्शनका कारण अफगानिस्तान ठूलो योगफल बनाउनबाट रोकिएको हो ।
नेपालले १०३ रनको लक्ष्य पछ्याइरहेको छ ।
.jpg)
