काठमाडौं शुक्रबार दिल्ली र राष्ट्रिय राजधानी क्षेत्र (एनसीआर) मा भारी वर्षा र तिब्र हावा चल्दा कम्तिमा चार जनाको मृत्यु भएको छ ।
दिल्लीको द्वारका क्षेत्रमा घरमा रूख ढल्दा एक महिला र उनका तीन सन्तानको मृत्यु भएको हो । खराब मौसमले यात्रामा पनि ठूलो अवरोध पुर्याएको छ ।
स्थानीय मिडियाका अनुसार धेरै क्षेत्रहरूमा पानी जमेको र बिजुली कटौती भएको रिपोर्ट गरिएको छ । जसले गर्दा शहरभर ट्राफिक समस्या भएको छ ।
