रौतहट : रौतहटको कटहरियामा एसईई पास गराइदिन्छु भन्दै ट्युसन पढाउने केही शिक्षकले विद्यार्थीसँग रकम असुल गरेको आरोप लागेको छ ।
ट्युसनको नाममा विद्यार्थीहरुसँग एक वर्षदेखि सेटिङ मिलाउँदै आइरहेको तथा अहिले एसईईको बेलामा १ हजारको दरले रकम असुल गरेको एक जना विद्यार्थीले जानकारी दिएका छन् ।
ट्युसन पढाउने शिक्षकले सम्बन्धित परीक्षा केन्द्रको कार्यालय सहयोगीलाई रकम दिएर सेटिङ गरेको बताइएको छ । कार्यालय सहयोगीले ट्युसन पढाउने शिक्षकले बताइएको विद्यार्थीको अनुहार हेरेर सिँधै गेट प्रवेश गराइरहेको समेत बताइएको छ । अभिभावकहरुले भने उक्त विषयमा निष्पक्ष छानबिनको माग गरेका छन् ।
