काठमाडौंः नेपाल क्रिकेट संघ (क्यान)ले विश्वकपमा पुगेका यू–१९ महिला क्रिकेटरलाई जनही २ लाख ५० हजार नगदसहित सम्मान गर्ने भएको छ ।
आइसिसी महिला यू–१९ विश्वकप २०२५ मा छनोट भएका खेलाडीको प्रोत्साहन स्वरुप क्यानले जनही २ लाख ५० हजार दिने भएको हो । क्यानले नेपाली टोलीका अफिसियलहरुलाई पनि जनही १ लाख ५० हजार रूपैयाँ प्रदान गर्नेछ।
बुधबार आईसीसी यु–१९ टी–२० विश्वकप एसिया छनोटमा यूएईलाई ८ विकेटले पराजित गर्दै नेपाल विश्वकपमा छनोट भएको हो । नेपालले आगामी जनावरी–फेब्रुअरीमा मलेसियामा हुने विश्वकपमा समूह ‘डी’मा प्रतिस्पर्धा गर्नेछ। समूहमा नेपालसँगै अस्ट्रेलिया, बंगलादेश र स्कटल्यान्ड रहेका छन्।
.jpg)
