काठमाडौं : भेस्पा स्कुटरको आधिकारिक वितरक डेल्टा अटोकर्पले सोमबार नयाँ १५० सिसी भेस्पा स्कुटर सार्वजनिक गर्दै छ । उक्त स्कुटर कम्पनीको काठमाडौंस्थित त्रिपुरेश्वर सोरुममा सार्वजनिक गरिनेछ ।

भेस्पाको स्कुटर सूचीमा थप एउटा मोडल जोडिनेछ । भेस्पाको छुट्टै इटालियन डिजाइन र राइडिङ अनुभव रोज्ने ग्राहकका लागि यसले थप विकल्प ल्याउनेछ । आफ्नो चिनिने स्टाइल र कालजयी आकर्षणका कारण भेस्पाले नेपालको स्कुटर बजारमा आफ्नो उपस्थिति कायम राख्दै आएको छ ।

आगामी सार्वजनिकीकरणबारे टिप्पणी गर्दै डेल्टा अटोकर्पका निर्देशक तथा प्रमुख कार्यकारी अधिकृत विजय के. महतोले भने, ‘भेस्पाले सधैं कालजयी इटालियन डिजाइन, व्यक्तित्व र विशिष्ट राइडिङ अनुभवको प्रतिनिधित्व गर्दै आएको छ । हाम्रो नयाँ १५० सिसी मोडलको सुरुवातसँगै नेपालमा भेस्पा परिवारमा थप एउटा सदस्य जोड्न पाउँदा हामी उत्साहित छौं ।

बजारमा भेस्पाको उपस्थिति अझ सुदृढ बनाउन र ब्रान्डको विशिष्ट चरित्र तथा विरासत झल्कने उत्पादन ग्राहकलाई उपलब्ध गराउन हामी प्रतिबद्ध छौं । असोज २६ गते यो नयाँ मोडल सार्वजनिक गर्न र ग्राहकसँग थप जानकारी साझा गर्न हामी उत्सुक छौं ।’