काठमाडौं : कोसोभोको संसद् प्रधानमन्त्री चयनको दोस्रो प्रयासमा बुधबार असफल भएको छ । कार्यवाहक नेता एल्बिन कुर्तीले तेस्रो कार्यकाल सुरक्षित गर्न महिनौं लामो गरेको प्रयास संसद्मा भएको प्रधानमन्त्री निर्वाचनका लागि भएको असफल प्रयाससँगै सकिएको छ ।
यहाँ नयाँ चुनाव लगभग निश्चित भएको छ । फेब्रुअरीको चुनावमा शीर्ष स्थान हासिल गरेको तर बहुमत प्राप्त गर्न असफल भएको कुर्तीको पार्टीले संसद्बाट आफ्नो मनपर्ने नेतालाई निर्वाचित गराउने प्रयास असफल भएको छ ।
यहाँको संविधानले प्रधानमन्त्रीका लागि थप एक पटक अन्तिम प्रयास गर्नेछ भने यसबाट पनि कसैको बहुमत आउने अवस्था देखिएको छैन। यसको अर्थ अब मध्यावधि चुनावको घोषणा गर्नुपर्नेछ ।
‘विधानसभाले रिपब्लिक अफ कोसोभोको सरकार चयन गरेन,’ संसदीय सभामुख डिमल बाशाले मतदानपछि भने । संसद्मा दोस्रो पटकको मतदान कुर्ती आफैंले संसदमा विश्वासको मत प्राप्त गर्न असफल भएको तीन हप्तापछि भएको थियो ।
अब राष्ट्रपतिले चुनावको मिति घोषणा गर्ने अपेक्षा गरिएको छ । मतदानअघि विपक्षी सांसदहरूले विश्व बैंक र युरोपेली संघबाट अन्तर्राष्ट्रिय वित्तीय सहायतासम्बन्धी सम्झौताहरू अनुमोदन गर्ने उद्देश्यले अघिल्लो सत्रलाई बहिष्कार गरेका थिए ।
कार्यवाहक अर्थमन्त्री हेकुरान मुरातीले सम्झौता पारित नगरेमा मुलुकले २० करोड युरो (२३ करोड अमेरिकी डलर) भन्दा बढी घाटा पुर्याउन सक्ने चेतावनी दिएका छन् ।
ध्रुवीकृत संसद्ले सरकार गठनका लागि महत्वपूर्ण मतदान गर्न ढिलाइ गरेपछि कुर्ती करिब १० महिनादेखि कामचलाउ प्रधानमन्त्रीका रूपमा काम गर्दै आएका छन् ।
.jpg)
