काठमाडौं : डा. गोविन्द केसीले तीनदिने सत्याग्रह सुरु गरेका छन् । निजी मेडिकल कलेजको सिट वृद्धि लगायत निर्णयको विरोध गर्दै डा. केसीले तीनदिने सत्याग्रह सुरु गरेका हुन् ।
डा. केसीले धनगढीस्थित गेटा मेडिकल कलेज परिसरमा पत्रकार सम्मेलन गरेर आफूले सत्याग्रह सुरु गरेको घोषणा गरे ।
सो क्रममा उनले निजी मेडिकल कलेजहरूको सिट वृद्धि गर्दा नेता र माफियाको झोला भरिने र शिक्षाको गुणस्तर खस्किने बताए ।
डा. केसीले निजी मेडिकल कलेजको सिट वृद्धि फिर्ता गर्नुपर्ने, इलाम, उदयपुर र डडेलधुरामा सरकारी मेडिकल कलेज तथा अस्पताल खोल्नुपर्ने, कैलालीको गेटामा निर्माण सम्पन्न भइसकेको शिक्षण अस्पताल र शैक्षिक कार्यक्रम तत्काल सञ्चालन गर्नुपर्ने माग राखेका छन् ।
