काठमाडौंः यही भदौ २५ गतेदेखि अनिश्चितकालीन राजमार्ग बन्द गर्ने उखु किसानले चेतावनी दिएका छन् ।
आर्थिक वर्ष २०८१/८२ को उखुको वक्यौता अनुदान रकम प्रतिक्वीन्टल ७० रुपैयाँ भुक्तानी गर्न दबाब दिँदै आल्दोलन गरिरहेका उनीहरुले माग पूरा नभए अनिश्चितकालीन राजमार्ग बन्द गर्ने चेतावनी दिएका हुन् ।
उखु उत्पादक महासंघ, नेपालले एक विज्ञप्ति जारी गर्दै यस्तो चेतावनी दिएको हो । विज्ञप्तिमार्फत महासंघले उखु किसानलाई उपलब्ध गराउन बाँकी अनुदान रकम विनासर्त भुक्तानि गर्नुपर्ने, उखुको मूल्य तोक्दा किसान प्रतिनिधिहरुको सहभागिता सुनिश्चितता गर्नुपर्ने र किसानलाई सडकबाट घरखेतमा फर्किने वातावरणा बनाउन माग पनि गरेको छ ।
