काठमाडौं : चलचित्र ‘ग्रीन बुक’ ले यस वर्षको ओस्कार अवार्डमा सर्वोत्कृष्ट चलचित्रको अवार्ड जितेको छ । अमेरिकाको लस एन्जेलसमा आज विहान भएको ९१ औं संस्करणको ओस्कार अवार्ड समारोहमा जिम बुर्कले निर्माण गरेको ग्रीन बुकले चलचित्रले सर्वोत्कृष्ट अवार्डसहित ३ वटा अवार्ड जितेको हो ।
सोही चलचित्रवाट अफ्रिकन मूलका अमेरिकी अभिनेता महेरसाला अलीले सर्वोत्कृष्ट सहायक अभिनेताको अवार्ड जितेका छन् । यस्तै सर्वोत्कृष्ट मौलिक पटकथाको अवार्ड पनि ग्रीन बुककै हात पारेको छ । ग्रीन बुक’ चलचित्र ड्राइभरको कथामा आधारित छ ।
अभिनेता रामी मालेकले ओस्कार अवार्डमा उत्कृष्ट अभिनेता अवार्ड जितेका छन् । चलचित्र ‘बोहेमियन राप्सोडी’ मा फ्रेडी मर्करीको भूमिकाका लागि उनले उत्कृष्ट अभिनेताको अवार्ड जितेका हुन् ।
द फेभरेटका लागि ओलिभिया कोलम्यानले सर्वोत्कृष्ट अभिनेत्रीको अवार्ड जितेकी छिन । बाहिमियन राप्सोडीले चार विधामा अवार्ड जितेको छ । यस्तै रोमाले तीन विधामा अवार्ड जितेको छ । सर्वोत्कृष्ट निर्देशक भने रोमाका अलफोन्सो कुरोन घोषित भएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies