काठमाडौँ : निर्वाचन प्रहरी, नेपाल प्रहरी र सशस्त्र प्रहरी बलको पोशाक खरिदसम्बन्धी अध्ययन उपसमितिले मंसिर १ देखि १५ गतेसम्म सम्बन्धित पक्ष तथा क्षेत्रगत विज्ञहरूसँग छलफल गर्ने भएको छ ।
सिंहदरबारमा आज बसेको उपसमितिको दोस्रो बैठकपछि संयोजक मनिष झाले कात्तिक ३० गतेसम्म अध्ययन तथा प्रमाण संकलन गरी आवश्यक प्रश्न तयार गरिने जानकारी दिए ।
उनका अनुसार मंसिर १६ देखि २० गतेसम्म प्रतिवेदन लेखनका लागि समय छुट्याइएको छ । उपसमितिले कसैलाई दोषी वा निर्दोष घोषणा गर्ने नभई तथ्य र प्रमाणका आधारमा निष्कर्ष निकाल्दै सिफारिससहितको प्रतिवेदन तयार गर्नेछ ।
उपसमितिको कार्यावधि मंसिर २० गतेसम्म तोकिएको छ ।
.jpg)
.jpg)
