रियाद : अन्तर्राष्ट्रिय पत्रकार महासंघ अमेरिका (फेडरेसन अफ इन्टरनेसनल जर्नालिस्ट अमेरिका)को साउदी अरब शाखा गठन भएको छ । फेडरेसनको केन्द्रीय कार्यालयसँग परामर्श र सहमतिपछि साउदी अरेबियामा कार्यरत नेपाली पत्रकारहरूको भेलाबाट उक्त शाखा गठन भएको हो ।
गठन भएको नयाँ शाखा कार्यसमितिलाई केन्द्रले औपचारिक रूपमा अनुमोदनसमेत गरेको छ । सर्वसम्मतिले गठन गरिएको कार्यसमितिको अध्यक्षमा अन्नपूर्ण पोस्ट मिडियाका गल्फ इडिटर विष्णु घिमिरे चयन भएका छन् । यस्तै, कार्यसमितिको उपाध्यक्षमा सुन्जित तामाङ, महासचिवमा राजु खनाल, कोषाध्यक्षमा अन्जान गुभाजु र प्रवक्तामा लोकेन्द्र खड्का चयन भएका छन् । गुभाजु मध्यान्ह राष्ट्रिय दैनिकका साउदी संवाददाता हुन् ।
गठित कार्यसमितिमा अमर सापकोटा प्रमुख सल्लाहकार, रमजान दिन मियाँ, एल पी शेर्पाली, नेत्र न्यौपाने, राज चाम्लिङ, देवीबहादुर कार्की र तुलसी राम आचार्य सदस्य रहेका छन् । फिजाका अध्यक्ष रामप्रसाद खनाल र महासचिव टंक दाहालले अध्यक्ष विष्णु घिमिरेसहित सम्पूर्ण पदाधिकारी तथा बोर्ड अफ डिरेक्टर सदस्यलाई हार्दिक बधाई दिँदै सफल कार्यकालको शुभकामना व्यक्त गरेका छन् ।
उनीहरूले शाखाले पत्रकारहरूको हक–हित संरक्षण, पत्रकारिता गतिविधि सशक्तीकरण र अन्तर्राष्ट्रिय पत्रकार महासंघका उद्देश्यलाई अझ प्रभावकारी ढंगले अघि बढाउने विश्वास व्यक्त गरेका छन् ।
